Antidroga në Prishtinë gjen pistoletë; 27-vjeçari dërgohet në burg

Sipas njoftimit paraprak, Njësia e Antidrogës në Prishtinë gjeti një pistoletë në çantën e një 27-vjeçari, Shpend A. Osmani, dhe ai u dërgua në Qendrën e Paraburgimit për vuajtjen e një dënimi prej 15 ditësh për shkak të një urdhër-arresti aktiv.

Aksioni ndodhi mbrëmjen e 3 gushtit, rreth orës 23:30, në rrugën “Bashkim Fehmiu” në Prishtinë. Gjatë kontrollit në çantë u gjet një pistoletë e tipit Pietro Beretta, kalibër 7.65 mm, së bashku me një karikator dhe një fishek; arma dhe municioni janë sekuestruar si prova materiale.

Pas intervistimit dhe konsultimit me Prokurorin e Shtetit është iniciuar procedurë penale për veprën penale “Mbajtja në pronësi, kontroll ose posedim të paautorizuar të armëve”. Hetimet lidhur me armën e sekuestruar janë në vazhdim.